بواسطة : Dont + -
حدوته كتاكيتو وحنفية المياة

حدوته كتاكيتو وحنفية المياة

حدوته كتاكيتو وحنفية المياة

يحكى إنه كان في كتكوت صغير وفي يوم من الأيام وهو يلعب سمع صوت مياه تنقط جري بسرعه وشاف الحنفيه، وقال دي بسيطه اوي أروح ألعب شويه واترك الحنفيه ومشا نادت عليه ماما قالتله يا كتاكيت انا سامعه صوت مياه عندك بتنقط قفل الحنفيه كويس يا كتاكيتو، رد كتاكيتو عليها وقال دي بسيطه اوي يا ماما ومش مستاهله اني اقفل الحنفية وكده كده مش هتقصر ثم نادت عليه ماما بره البيت وقالت عارف يا حبيبي الجبل البعيد آل هناك ده اتكون من نقط الميه دي هي اللي كونت كل الجبل ده كله.

رد كتاكيتو وقال لا يا ماما مش عارف، ردت ماما وقالت حبات الرمل الصغيرة تكونت وعملت الجبل الكبير ده، كمان عارف يا كتاكيتو نقاط الميه اللى انت مستهون دي ممكن تكون نهر كبير، فهمتيني يا حبيبي رد كتاكيتو وقال فهمتك يا ماما وهدخل دلوقتي عالطول واقفل الحنفية، ودخلت ماما علشان تنام ودخل كتاكيتو وفضل يلعب بلعبته ال بيحبها وقال شويه واقفل الميه ولسا في وقت طويل وبعد مالعب تعب وراح في النوم لوقت طويل،ياخبر ياكتاكيتو وفضلت تنقط الحنفيه طول الليل وغرقت البيت كله وصحي كتاكيتو من النوم على صوت ماما وهي تصرخ وتصيح البيت كله وتقول أصحو بسرعه البيت بيغرق وصرخت في وش كتاكيتو وقالتلو  أنت السبب أنت مش بتسمع الكلام، رد كتاكيتو وهو مكسوف اوي وقال انا آسف اوي ياماما سامحيني انا فعلا غلطت ارجوكي سامحيني، ردت ماما وقالت يالا بسرعه مفيش وقت تعالي ساعدنا في أننا نمسح الميه من البيت ونجيب ميه تاني غيرها من النهر علشان نملا الخزان من تاني، نشرب منه ونعمل الاكل كمان بعد ما خلصو وتعبو جدا قال كتاكيتو النهارده تعبت اوي بس اتعلمت درس مهم جدا اتعلمت اني أحافظ على نقطة الميه ومفرضش فيها ابدا الميه دي نعمه وهي اغلي حاجه في حياتنا مينفعش نعيش من غيرها،وتوته توته وخلصت الحدوته

اتمني من الأطفال الحلوين ان تكون حدوتة النهاردة عجبتكم.

229

اترك تعليقا

اترك التعليك لتشجيع الكتاب على كتابه كل جديد وحصري اترك تعليقك الان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *